مــنـتـديـات رقـــــى الأخــــــــلاق

عزيزى الزائر الكريم ..
أنت غير مشترك فى منتدانا الحبيب .. يسعدنا و يشرفنا إنضمامك إلى أسرتنا الجميله ..

إذا أردت التسجيل معنا فى المنتدى أضغط على ( تسجيل ) ....

أمنحنا الفرصه لكى نسعدك ...

انضم إلى المنتدى ، فالأمر سريع وسهل

مــنـتـديـات رقـــــى الأخــــــــلاق

عزيزى الزائر الكريم ..
أنت غير مشترك فى منتدانا الحبيب .. يسعدنا و يشرفنا إنضمامك إلى أسرتنا الجميله ..

إذا أردت التسجيل معنا فى المنتدى أضغط على ( تسجيل ) ....

أمنحنا الفرصه لكى نسعدك ...

مــنـتـديـات رقـــــى الأخــــــــلاق

هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.
مــنـتـديـات رقـــــى الأخــــــــلاق

عــــــالم من العـــلـم

***  أهـــلا" بك يا  زائر ...  مرحبا" بعودتك إلى المنتدى  ***


3 مشترك

    ثقافة الغلط

    D.G.K
    D.G.K
    D.G.K
    عـــــضــو مـــجـلـس الإداره
    عـــــضــو مـــجـلـس الإداره


    شـعــــــــار : ثقافة الغلط Uuuuuu10

    لقب من إدارة المنتدى : كاتبة المنتدى
    انثى
    الـبـلــد : مصر الحبيبه
    عدد المساهمات : 128
    نـقـــاط : 6137
    تاريخ التسجيل : 17/07/2009
    الموقع : www.tegara4all.com
    العمــل : صحفية بجريدة الشروق
    المزاج : الحمد لله رب العالمين
    تعاليق : You Have to make The history...Or You will be a history
    • مساهمة رقم 1

    ثقافة الغلط Empty ثقافة الغلط

    مُساهمة من طرف D.G.K الأحد 08 نوفمبر 2009, 10:18 pm

    إذا دققت النظر ستجد دائماً لكل شعب .. ولكل بلد .. ولكل قرية .. ولكل شارع .. ولكل عائلة .. حتى لكل أسرة ..في كل مكان في العالم .. بعض الأفكار .. أو القناعات اللي بتنتشر فيها .. حتى تصبح قانون .. أو عُرف .. بغض النظر عن الدستور .. والحكومات .. والرؤساء .. والقوانين ..

    وأتحدث هنا عن بعض الثقافات اللي بتأثر في سلوكيات الناس .. فتجد مثلاً: شعب يعشق العمل زي اليابانيين .. وشعب أخر يعشق المتعة بكل صورها زي الأمريكان .. وشعب يعشق الكورة زي البرازليين
    واحنا هنا مش حنتكلم عن أي حد .. احنا حنتكلم عننا بس .. عن شعبنا .. عن دماغنا .. عننا احنا .. أنا وأنت .. وهو وهي!!
    طيب إيه المشكلة ؟؟ .. المشكلة: إن هناك بعض ثقافات خاطئة -الغلط يعني- انتشرت بيننا .. واحنا لعلنا موافقين عليها .. أو شايفنها صح .. أو مش شايفنها خالص .. ولا واخدين بالنا منها خالص .. وهية غلط!! .. ممكن تكون عيب .. أو حرام .. أو مش عيب ولا حرام .. لكنها م الآخر غلط ..
    وممكن تكون مجرد غلط بسيط .. ونشوفه ما يستهلش .. لكنه مهما كان يعتبر غلط .. وآثره علينا كبير .. وبيترتب عليه بعد كده بلاوي كتير
    عايزين تعرفوا كلامي صح ولا غلط؟؟

    تعالوا ناخد بعض المشاهد .. وخليكوا معايا للآخر .. وابقوا قولوا لي رأيكم


    ثقافة الغلط .. في المرور
    في أي بلد محترم .. كل سائق وكل راكب .. لازم يحترم قوانين المرور .. حفاظاً على سلامته .. وسلامة الآخرين .. وأرواحهم .. وحفاظاً على النظام .. وحفاظاً على الوقت .. والهدوء .. لذلك فإن كثير من هذه البلاد فرضت عقوبات شديدة على من يخالف قوانين المرور .. ومنها بلاد عربية ومتخلفة زينا .. وذلك لأنهم يعرفوا مدى خطورة انتهاك قوانين المرور .. وعلى المقابل تجد الناس تلتزم .. لتكون الصورة في النهاية لبلد محترم شوارعه منظمة .. والمرور فيه هادئ ..
    لكن في مصر .. تشوف مشهد متكرر لـــ...:
    *
    حوادث وعطلة في المرور السبب الاساسي فيها عدم مراعاة قوانين المرور...وطبعاً عدي علينا كلنااا مناظر الرشوة اللي ممكن اي سواق يديها لرجل المرور عشان يفوتله اي مخالفة...وفي المقابل رجال المرور كمان بقوا سعيهم الاول ورا الرشوة دي وكأنهم بيستغلوا الاخطاء في المرور للمال

    موقف تاني...واحد عنده عربية ملاكي .. ومستعجل جداً .. وأخد قرار يمشي عكس الاتجاه .. ده شئ يعتبر عادي جداً .. بل إنه يعتبر ذكاء وشطارة .. لكن لو حضرته .. ماشي بعربيته ولقى واحد ماشي مخالف .. يبقى (مش بني آدم .... ومبيفهمش)

    * واحد سواق يجزء المسافة .. والناس الغلابة لا حيلة لهم ..فمثلاً: المفروض إن المسافة تكون من المندرة للمنشية او لبحري.. فتكون من المندرة للمجمع مش عارفه ليه المجمع بقي محطه .. ومن المنشية لبحري .. والناس لا تستطيع إلا أن تدفع ضعف الأجرة وإلا فليبقوا متلقحين في الشوارع

    * أتوبيس نقل عام بيقف في محطات عادي جداً .. وبين المحطات بيفتح ع الرابع برضه عادي جداً .. لكن اللي مش عادي إنك تلاقي ناس بتنزل منه .. وناس بتجري جنبه وهوووووب تنط فيه .. وناس بتقع .. وناس متشعلقة ع الباب .. كل ده وهو مش واقف في محطته .. لأ ده وهو فاتح ع الرابع

    ملحوظة: فاكرين الكليب بتاع سامي يوسف اللي اسمه "حسبي ربي" كان بيصور أشهر المشاهد لكل بلد .. انجلترا وتركيا والهند ومصر .. فجاب إن أشهر مشهد في مصر وهو بيجري يلحق أتوبيس والأتوبيس ماشي ولما نزل من الأتوبيس نزل منه برضه وهو ماشي .. تفتكروا ده معناه إيه؟!!

    النتيجة: 8000 روح بشرية تزهق على الأسفلت كل عام .. تموت بسبب كل البلاوي دي .. نتيجة أخطاء السواقين أو المشاة .. فوضي في معظم شوارع مصر .. تعطيل للمصالح .. كثير من العراك والخناق .. فوضى بكل معنى الكلمة



    ثقافة الغلط .. في النظافة
    مشهد متكرر لــــ ..... :
    * واحد بياكل أي حاجة تيك أواي في الشارع .. طبعاً حياكل بالهنا والشفا .. ويخلص .. ويرمي والورقة .. فين؟؟ .. ها ... فين؟؟ .. في الشارع طبعاً ..
    * واحد ماما بعتته و حكمت عليه يرمي الزبالة .. ماشي .. كويس مش دي المشكلة .. تلاقي الأستاذ شايل كيس الزبالة ..وفي اماكن كتير جدااا جوا مصر بيحصل الكلام ده ..تلاقيه بيتلفت يمين وشمال زي الحرامي .. وأول ما يلاقي محدش باصص .. والجو أمان .. هوووب .. يرمي الكيس في أي جنب .. ويكمل مشي .. .. وتلاقي في نفس المكان اللي رمى فيه الناس كاتبة له ع الحيطة "ممنوع إلقاء القمامة .. "!!
    * واحد طلع محترم شوية وشال الكيس لحد الصندوق .. لكن لسه حيفتح صندوق الزبالة وإيده نضيفة .. ولسه غاسلها بديتول .. فيرمي الكيس جنب الصندوق .. وكده تمام اوي وعمل اللي عليه
    * واحد عنده محل عصائر طبيعية تلاقيه محتكر صندوق الزبالة بتاع الشارع جوة الدكان كأنه اشتراه بفلوسه .. ويصبح حق التخلص من الزبالة مقتصر عليه فقط

    * واحد بيحب واحدة .. واحدة بتحب واحد .. شلة بيحبوا بعض .. واحدة ضحكت على واحد وخانته وسابته .. ذكريات عن أيام العذاب والزحف ع التراب .. قصص كتير .. حتلاقي أبطالها وأحداثها .. مكتوبة على الحيطان .. وكراسي الاتوبيس.. والبينشات في المدرجات .. وعلى سلالم الكلية .. وعلى القعدات اللي ع الكورنيش ..
    والنتيجة: بلد شوارعها قذرة .. الزبالة مرمية في كل حتة ماعدا صناديق الزبالة .. حشرات .. أكوام زبالة .. .. برغم إن في دول عربية زينا .. وشوارعها نضيفة .. والبلد نضيفة .. لأنهم بيفرضوا غرامة على اللي يرمي ورقة في الأرض .. ولأنهم مش بيحبوا يسجلوا قصة حياتهم العظيمة على الحيطان

    مش النهاية
    لن أكون كهؤلاء اللي بيشتموا في الشعب المصري .. ويرددوا: "الشعب المصري ده شعب ..." لكني أنا منه .. عايشه معاه.. بحبه .. وبحب بلدي أكتر من أي بلد .. ونفسي كلنا نتغير ونتحرك ونفوق .. ونبقى زي اللي كانوا زينا وبقوا حاجة تانية ..اتغيروا واتحركوا وفاقوا .. لن نلقي باللوم على حكومة .. ودولة .. ورئيس .. وحزب .. لأننا قادرين بفضل الله أن نغير كل شئ .. لنكون الأفضل
    • الرجوع الى أعلى الصفحة
    أم عبدالرحمن
    أم عبدالرحمن
    أم عبدالرحمن
    الـمـــديــر الــعـــــام
    الـمـــديــر الــعـــــام


    شـعــــــــار : ثقافة الغلط Ss610

    لقب من إدارة المنتدى : أمـــ الـمــنـتـدى
    انثى
    الـبـلــد : مصر
    عدد المساهمات : 1713
    نـقـــاط : 13175
    تاريخ التسجيل : 21/10/2009
    العمــل : مدرسة
    المزاج : (وعجلت إليك ربى لترضى)
    تعاليق : (رب هب لى من لدنك عملا صالحا يقربنى إليك)
    • مساهمة رقم 2

    ثقافة الغلط Empty رد: ثقافة الغلط

    مُساهمة من طرف أم عبدالرحمن الإثنين 09 نوفمبر 2009, 9:28 pm

    كلام جميل وسبب هذا كله السلبية اللى أصبحنا فيها وتكراردايما كلمة أنا (مالى)


    هوأنا اللى حغيرالكون كل هذه العبارات جزء أساسى من ثقافة الغلط اللى أصبحت للأسف إدمان


    (وربنا يرحمنا برحمته )

    Mad Mad Mad Mad Mad Mad Mad Mad Mad Mad Mad Mad Mad Mad Mad Mad Mad Mad Mad Mad Mad Razz Razz Razz
    • الرجوع الى أعلى الصفحة
    أبو سـيف
    أبو سـيف
    أبو سـيف
    رئـيـس مجـلـس الإداره و مؤسـس المنتدى
    رئـيـس مجـلـس الإداره و مؤسـس المنتدى


    شـعــــــــار : ثقافة الغلط Ad510

    لقب من إدارة المنتدى : راعى المنتدى
    ذكر
    هــوايـاتى : القــــرأه و النت
    الـبـلــد : أم الدنيا مصر
    عدد المساهمات : 1290
    نـقـــاط : 14306
    تاريخ التسجيل : 15/07/2009
    الموقع : www.rokialakhlak.yoo7.com
    العمــل : مدرس لغه إنجليزيه
    المزاج : الحمد لله
    تعاليق : لا تبحث عن الصديق .. كن أنت الصديق
    • مساهمة رقم 3

    ثقافة الغلط Empty رد: ثقافة الغلط

    مُساهمة من طرف أبو سـيف الإثنين 09 نوفمبر 2009, 10:00 pm

    قال تعالى " إن الله لا يغير ما بقوم حتى يغيروا ما بأنفسهم "

    يلا بينا نبدأبنفسنا و نكون قدوه للأخرين

    و لا تيأسوا من رحمة الله ..
    • الرجوع الى أعلى الصفحة

      الوقت/التاريخ الآن هو الأربعاء 15 مايو 2024, 9:02 pm